قیرغیزستان  د شانګهای د همکاریو د سازمان د د مشرانو د سرمشریزې کوربه توب کوي.

د شانګهای د همکاریو د سازمان  دوره يي مشر هیواد  قیرغیزستان ولسمشر سورنبای جینبیکوف په جوړیدونکې  دې سرمشریزه کې به د روسیې ، قزاقستان، قیرغیزستان، اوزبکستان، تاجکستان ولسمشران، د پاکستان او هندوستان  لومړي وزیران ګډون وکړي.

همداشان  پدې سرمشریزه کې به د افغانستان، بیلاروس، ایران او مغلستان ولسمشران د ناظرو هیوادونو په صفت ګډون وکړي.

پدې سرمشریزه کې به د شانګهای د سازمان د غړیو هیوادونو اړوند  په سیمه ایزو او نړۍوالو مسئلو  خبرې وشي. همداشان  د سرمشریزې نه وروسته به د بشکیک اعلامیه خپره شي.

د ویلو ده چې په قیرغیزستان کې د شانګهای د همکاریو د سازمان د مشرانو د سرمشریزې امنیت په خاطر ۵ زره تنه  امنیتي پرسونل  په دنده ګمارل شوی دی. همداشان  قیرغیزستان ددې سرمشریزې د امنیت د نیولو په خاطر  د چین نه  بسونه، جیپ موټرې  او زغروال ګاډي  ، د روسيې نه  ۵ لوکس  زغروال ګاډي ، میني بسونه او دوه  میګ ۸ ډوله  چورلکې  ترلاسه کړي دي.

د ویلو ده چې  د شانګهای د همکاریو سازمان چې  په ګډه  د سیمې د سولې، امنیت او استقرار د ټینګښت او تداوم  په موخه  د ۲۰۰۱ میلادي کال  د جون په ۱۵ مه نیټه  د روسیې، چین، قیرغیزستان، قزاقستان، تاجکستان او اوزبکستان په ګډون  د چین د شانګهای په ښار کې تاسیس شو. پاکستان او هندوستان ۱۶ کاله وروسته ددې سازمان غړیتوب  ترلاسه کړ چې پدې ډول  د شانګهای د سازمان د غړیو شمیره ۸ ته لوړه شوه.