په سوریه کې  درې تنه  روسي  سرتیري  ووژل شول.

د روسیې  د دفاع وزارت ویلي دي چې په سوریه کې درې تنه  سرتیري وژل شوي دي.

د روسیې د دفاع وزارت د بیان په خپرولو سره  ویلي دي چې  د سوریې د دیروزور په ولایت کې   د فبروري د میاشتې په وروستیو کې  ددوې  درې تنه سرتیري  په خلکو د انساني مرستو د ویشلو نه وروسته د راستنیدو پر مهال په لاره کې  په کمین کې وژل شوي دي.

په بیان کې راغلي دي چې  نوموړو سرتیرو د برید کوونکو سره  نښته هم  کړې وه خو په پایله کې ژوند د لاسه ورکړ.