د جنسي پلوه د ماشومانو د ځوړونکو راهبانو نومونه افشا شول

د امریکا  متحده ایالتونو د تکزاس  د ایالت په کلیساګانو کې  د جنسي پلوه د ماشومانو ځورونکو  او تیري کوونکو  ۲۸۶ تنو راهبانو  نومونه  اعلان شول.

د امریکا  د پنسلوانیا د ښار  لوی څارنوال  لخوا د جوړ شوي  راپور  د خپریدو نه وروسته چې پکې په  ویل شوي وو چې  تر زرو تنو  ډیر ماشومان  د جنسي پلوه ځورول شوي  او تیری پرې شوی دی  او کلیساګانو چارواکیو  پدې جرمونو پرده  غوړولې ده د مسلې په اړه  لا جدي څیړنې پیل شوې.

همداشان  د نوموړو څيړونو په چوکاټ کې  د هغه راهبانو  چې  ماشومان يي د جنسي پلوه ځورولي دي  او یا تیری پرې کړی دی د نومونو به افشا کولو  پیل وشو.

په راپور کې راغلي دي چې د راهبانو لخوا  د جنسي پلوه د ماشومانو  ځورونې  او تیري  مسله تر ۱۹۵۰ کلونو غځیږي. یو زیات شمیر  راهبان  چې ماشومانو يي د جنسي پلوه ځورولي دي  اوس ژوندي ندي.

د بله پلوه د تکزاس ایالت د لوی څارنوال ویاند ویلي دي چې  « د تکزاس لوی څارنوال ددې ډول  ناوړه  پيښو  او اعمالو د لمنځه وړو  او د تکزاس د ایالت ماشومانو ته د مخامخو ټولو  تهدیدونو  د منځه وړو  په خاطر  د ځايي امنیتي ادارو او د ولسوالیو  څارنوالیو  سره  هر ډول مرستې ته  تیار  دی. »

د بله پلوه  د تکزاس ایالت  اسقف اعظم  د دفتر لخوا په خپور شوي بیان کې  ویل  شوي دي چې  د هغه راهبانو د نومونو د افشا کولو  پریکړه يي کړې ده چې  پدې جرم کې ښکیل دي. په بیان کې راغلي دي چې دا مسله  کیدای شي چې د قربانیانو  درد یو اندازه  کم کړي. د نورو لپاره هیلې  وزیږوي. همداشان د تکزاس اسقف اعظم  په بیان کې ویلي دي چې د هغه چارواکیو  د نامه  نه  چې تر پدې ناوړه جرمونو  او اعمالو يي سترګې پټې کړي دي او هیڅډول اقدام يي ندی کړی  د ټولو نه بښنه غواړم.

ځکه چې  زمونږ کلیسا هم  بدنامه شوې ده  او ددې بدنامۍ  د لمنځه وړو په خاطر باید  ځینې ګامونه اوچت شي.

د ویلو ده چې  په کلیساګانو کې د جنسي پلوه د ماشومانو د ځورونې  او تیري په اړه په تحقیقاتو کې دا معلومه شوه چې  تر ۳۰۰ تنو ډیرو راهبانو  په زرګونو تنه  ماشومان د جنسي پلوه ځورولي  او یا يي پرې تیری کړی دی.