په روسیه کې یو ځل بیا په یوې څو پوړیزه ودانۍ کې چاودنه وشوه

د روسیې نه د ترلاسه شوو معلوماتو له مخې  د روستوف  په سیمه کې په یوې ودانۍ کې د ګازو په نللیکه کې د چاودنې له امله تر اوسه پورې ۴ تنو ژوند  د لاسه ورکړی دی.

د روسیې د بیړنیو حالاتو وزارت ویلي دي چې  د روستوف  ولایت د شاختي په ښار کې  په یوې نهه پوړیزه  ودانۍ کې  د ګازو په نللیکه کې  چاودنه وشوه.

د ژغورنې ډلې  په سیمه کې  د پلټنو چارو ته دوام  ورکوي. ویل کیږي په سیمه کې تر اوسه پورې  د څلورو تنو مړي  د چپه شوې ودانۍ  د لاندې نه راویستل شوي دي.

د ویلو ده چې  د تیر دسمبر د میاشتې په  ۳۱ مه نیټه هم  د روسیې د ماګني توګورسک  په ښار کې  په یوې  څو پوړیزه  ودانۍ کې  د ګازو د نللیکې د چاودنې له امله ۳۹ تنو ژوند  د لاسه ورکړی وو او ګن شمیر نور ټپيان شوي وو.