په روسیه کې د چاودنې له امله د مړو شمیره لسګونو تنو ته ورسیده

د روسیې  د چیلیابنسک    په سیمه کې په یوې څو پوړیزې  ودانۍ کې  د چاودنې  له امله  د مړو شمیره  لسګونو تنو ته ورسیده.

د روسیې نه د ترلاسه شوو معلوماتو له مخې  چاودنه د چیلیابنسک د سیمې  د ماګني توګورسک  په ښار کې  رامنځته شوې ده .

پيښه  د دسمبر په ۳۱ مه نيټه  په ځايي وخت د سهار د ۴ بجو په شاوخوا کې رامنځته شوې وه.

د روسیې فدرال امنیتي اژانس  ویلي دي چې  چاودنه د ګازو په نللیکه کې رامنځته شوې ده .

د روسیې د بیړنیو حالاتو وزارت ویلي دي چې د چاودنې له امله  د څو پوړیزې ودانۍ  یوه برخه په کامله توګه  تخریب شوې وه . وزارت ویلي دي چې د ژغورنې چارې اوس هم  دوام لري. پدې پیښه کې د مړو شمیره  ۳۷ تنو ته  رسیدلې ده . چاودنې  ۴۸ اپارتمانونو ته  زیان  رسولی دی.

د چپه شوو اپارتمانونو  د لاندې نه د ۳۷ تنو مړي راویستل شوي دي.