د افغانستان – هندوستان او ایران ترمنځه  د  ترانزیتي همکاریو  مطابقت  لاسلیک شو.

 د افغانستان – هند  او ایران ترمنځه  د  ترازیتي همکاریو  مطابقت  لاسلیک شو.

د ویلو ده چې  د ایران په پلازمینه تهران کې  پدې اړه په جوړه شوې غونډه کې  د نوموړي هیواد  د سمندري چارو او بندرونو عمومي رئیس محمد رستاد، د افغانستان د ټرانسپورت د وزارت مرستیال امام الدین  وریماچ  او د هندوستان د بهرنیو چارو د وزارت سرپرست  تیرو مورتي  ګډون کړی وو.

د ایران  د سمندري چارو او بندرونو عمومي رئیس  رستاد  غونډې ته په وینا کې وویل چې « د چابهار  د بندر  سره  به  لا ښو بازارونو ته  لار پيدا کړو  او پوره باور لرم چې  دا بندر  به د نورو هیوادونو  توجه هم  جلب کړي. »

هغه زیاته کړه چې  دا  بندر  په اصل کې  د هند اقیانوس په څنډو کې پراته هیوادونه  د منځنۍ اسیا  او افغانستان سره نخلولي. دا بندر  د چین او پاکستان ترمنځه د ګوادر اقتصادي دهلیز تکمیلوونکی  دی.

همداشان د افغانستان د ټرانسپورت  د وزارت  مرستیال  امام الدین وریماچ  بیا وویل چې  افغانستان ایران او هندوستان  په اصل کې یو بل ته  محتاج  دي. دا هیوادونه  همکاریو ته  اړتیا لري. هغه وویل چې د  ایران د چابهار  بندر  او دهلیز به  کاري فرصتونه کچه لوړه کړي.

هغه زیاته کړه چې افغانستان د سیمې  په یو مرکزي  نقطه کې قرار لري. هغه ددې خبرې په ټینګار وویل چې  د هیوادونو ترمنځه  د سوداګرۍ  او اقتصادي  اړیکو وده  او اقتصادي همکاري  د دولتونو ترمنځه د جدي همکاریو پرته  د امکان وړ خبره نده.

هغه وویل چې د چابهار  د بندر او دهلیز له لارې به  ټرانسپورتي فعالیتونو په برخه کې اسانتیاوې رامنځته شي.

همداشان  د هندوستان د بهرنیو چارو د وزارت سرپرست  مورتي بیا وویل چې  زمونږ هدف  د باربرۍ او مسافربرۍ  په برخه کې  اسانتیاوې رامنځته کول دي. زمونږ ترمنځه  موجوده  همکاري او روان بهیر بیا  دې هدف ته درسیدو په خاطر زمونږ سره  جدي مرسته کوي.

همداشان د چابهار د بندر د فعالیدو  سره به  هند د ایران د سیستان بلوچستان ایالت  له لارې د افغانستان سره  تجارت  ته لا وده ورکړي.

هغه وویل چې  د امریکا  لخوا پر ایران د تحریمونو د لګیدو سره سره  به هندوستان  د ایران سره  تجاري همکاریو ته دوام  ورکړي. همداشان  په نږدې راتلوونکې کې به  هندي شرکتونه  په موقتي توګه د چابهار د بندر نه په استفادې پیل وکړي.

د غونډې نه وروسته  د درې واړو هیوادونو ترمنځه د ترانزیتي همکاریو تړون لاسلیک شو.

د یادولو وړ ده چې  چابهار تړون  د ۲۰۱۶ کال  د مې د میاشتې په ۲۳ مه نیټه د ایران ، افغانستان او هندوستان د مشرانو لخوا لاسلیک شوې وه.

ددې تړون له مخې به د ایران په سویل ختیځ کې د چابهار د بندر نه  افغانستان او منځني ختیځ د لویې لارې  او ریل ګاډي د پټلۍ سره د نخلولو په برخه کې  پانګه اچونه وشي. ددې سره  به ددې هیوادونو ترمنځه  تجاري اړیکې هم د پام وړ پراختیا ومومي.