هند د روسیې سره د اس ۴۰۰ دفاعي توغندیو تړون لاسلیک کړ
هند د امریکا د ګواښونو سره سره د روسیې سره د اس ۴۰۰ دفاعي توغندیو په اړه تړون لاسلیک کړ
![هند د روسیې سره د اس ۴۰۰ دفاعي توغندیو تړون لاسلیک کړ](http://cdn.trt.net.tr/images/xlarge/rectangle/2688/3ec0/84a9/59db27423c785.jpg?time=1718897112)
هندوستان د امریکا متحده ایالتونو د ټولو ګواښونو سره سره د روسیې نه د اس ۴۰۰ دفاعي توغندیو سیستم د رانیولو په خاطر د روسیې سره تړون لاسلیک کړ.
د ویلو ده چې د روسيې ولسمشر ولادیمیر پوتین د رسمي سفر په ترڅ کې نن هندوستان ته ورسید.
د هندوستان او روسیې ترمنځه تړون هم نوموړي هیواد ته د روسیې د ولسمشر د سفر په ترڅ کې لاسلیک شوی دی.
ویل کیږي هندوستان به د ۵ عشاریه ۴ میلیاردو ډالرو په بدل کې د روسیې نه ۵ عدد د اس ۴۰۰ دفاعي توغندیو سیستمونه ترلاسه کړي.
هندوستان پداسې حال کې د روسیې سره دا تړون لاسلیک کړ چې تیره ورځ هم امریکا دا هیواد د روسیې نه د اس ۴۰۰ دفاعي توغندیو د رانیولو په صورت کې په بندیزونو ګواښلی وو.
د امریکا د بهرنیو چارو د وزارت یو تن چارواکي تیره ورځ د هندي خبري رسنیو ته سره په مرکه کې ویلي وو، امریکا په پام کې لري چې په هندوستان د روسیې نه د اس ۴۰۰ دفاعي توغندیو د رانیولو په صورت کې سخت بندیزونه ولګوي.
هندوستان بیا د امریکا د ګواښونو په اړه څه ندي ویلي.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718897112)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.