اسراییلو  یو ځل بیا  پر سوریې  هوايي بریدونه وکړل.

اسراییلو  یو ځل بیا  پر سوریې  هوايي بریدونه وکړل.

اسراییلو  د سوریې لخوا  د ګولان په ټپو  د توغندي د برید د ترسره کیدو په بهانه  په نوموړي هیواد  هوايي بریدونه کړي دي.

د اسراییلو د پوځ لخوا په شوو څرګندونو کې ویل شوي دي چې د سوریې د خاورې نه  ددوې  په خاوره د توغندي برید شوی دی. توغندی  د امنیتي اغزن مزي  ترڅنګ  غورځیدلی دی.

اسراییلو  ویلي دي چې  د نوموړي برید په مقابل کې  په هغو سیمو  چې  برید ترینه شوی وو  درانده  بریدونه کړي دي.

د اسراییلو د پوځ لخوا په شوو څرګندونو کې د برید  پړه د اسد په رژیم  اچول شوې ده . د اسراییلو پوځ ویلي دي چې  هیڅ داسې  کوم اقدام  ته به چې ددوې مځکني بشپړتیا  او د ملکي وګړو ژوند ته  خطر مخامخوي  اجازه ورنکړي.

د اسراییلو پوځ  دا ندي ویلي چې د سوریې لخوا پرې څه ډول  توغندي برید شوی دی.

د یادولو وړ ده چې اسراییلو  د اپریل په ۹ مه نیټه هم د سوریې د ټي ۴ په هوايي  هډې  توغندیز بریدونه کړي وو چې له امله يي ۷ تنو ایراني ملیشه او سرتیرو ژوند  د لاسه ورکړی وو.