په نږدې راتلونكې كې به له سوريې ووځو.

ټرمپ چې يوې غونډې ته وينا اوروله څرګنده كړه چې له سوريې نه د دوى د وتلو سبب د داعش ترهګرې ډلې ته د ماتې وركول دي.

ټرمپ په سوريه كې د اوه كلنې جګړې په اړه وويل چې `` اوس به يې پرېږدو چې نور ورسره كار ولري.``

ترمپ په ۲۰۱۶م كال كې د ولسمشرۍ د كمپاين پر مهال ويلي و چې هېواد يې په منځني ختيځ كې بېځايه پيسې مصرفوي.

د پېنټاګون د معلوماتو له مخې په سوريه كې شاوخوا ۲ زره سرتيري دنده اجرا كوي.

دا په داسې حال كې ده چې د امريكا د بهرنيو چارو د وزارت وياندې هېتر نارېت بيا وويل چې `` له سوريې د وتلو د پرېكړې په اړه معلومات نه لري.`` داسې ښكاري چې د ټرمپ دا پرېكړه به هم د امريكا په كورني سياست كې يو نوي سياسي كړكېچ ته لار پرانيزي.