په مونتینګرو کې د امریکا د سفارت په مخکې ځانمرګی برید وشو.
په مونتینګرو کې د امریکا پر سفارت برید وشو
![په مونتینګرو کې د امریکا د سفارت په مخکې ځانمرګی برید وشو.](http://cdn.trt.net.tr/images/xlarge/rectangle/55f2/ba4e/51d1/5a8e50c47ce69.jpg?time=1718956220)
په مونتینګرو کې د امریکا د سفارت په مخکې ځانمرګی برید وشو.
د امریکا د بهرنیو چارو وزارت د پيښې پخلی کړی دی.
د امریکا د بهرنیو چارو وزارت ویلي دي چې د مونتینګرو په پلازمینه پودګوریسا کې ددوې د سفارت په مخکې چاودنه شوې ده .
د بله پلوه د نوموړي هیواد سیمه ایزو خبري رسنیو ویلي دي چې د تیره شپه د ۱۲ بجو په شاوخوا کې یو تن لومړی د سفارت په ودانۍ د چاودیدونکو توکو برید وکړ او وروسته يي ځان وچولو.
د رویټرز خبري اژانس هم د عیني شاهدانو له قوله لیکلي دي چې پیښه تیره شپه په ناوخته ساعتونو کې په ۱۱ بجو او ۵۵ دقیقو کې رامنځته شوې ده .
د پیښې نه سمدلاسه وروسته پولیسو د امریکا د سفارت پر لورې غځیدلې ټولې لارې د ټرافیک او تګ راتګ پر مخ وتړلې.
د بله پلوه په مونینګرو کې د امریکا سفارت د خبرپاڼې په خپرولو سره د خپلو هیوادوالو نه سفارت ته د راتګ نه د ډډه کولو غوښتنه کړې ده .
په خبرپاڼه کې راغلي دي چې د امنیتي دلایلو له امله تر امر ثاني پورې سفارت تړلی دی. امریکايي وګړي باید د امر ثاني پورې سفارت ته د راتګ نه ډډه وکړي.
ویل کیږي پدې پیښه کې یو تن ژوند د لاسه ورکړی چې کیدای شي پخپله برید کوونکی وي.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718956220)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.