په سویډن کې د کډوالو لپاره ځانګړې شوې ودانۍ وسوځول شوې

د سویډن د  پلازمینې ستوکخلم د اکرربرګ  په سیمه کې  د ګډوالو  لپاره  په جوړو شوو  دوه وانیو کې  اورلګیدنه رامنځته شوه.

د سیمې د اور وژنې  د ادارې مشر ویلي دي چې  اور لګیدنه د شپې په نیمايي  کې په ۳ بجو پیل  او د سهار  تر شپږو بجو يي دوام وکړ.

هغه وویل چې د اور وژنو ډلو  د درې ساعته  هلو ځلو نه وروسته  اور مړ او تر کنټرول لاندې يي راوسته.

هغه ویلي دي چې پر وخت د مداخلې له امله  د ودانیو  یوه برخه  ژغورل شوې ده.

هغه ویلي دي چې دا دوه  ودانۍ د کډوالو لپاره  ځانګړې  او جوړې شوې وې  چې لنډه موده وروسته پکې کډوال ځای په ځای کیدل.

هغه ویلي دي چې  د اورلګیدنې په اړه يي  تحقیقات پیل کړي دي خو لومړني تحقیقات دا ښايي  چې اورلګیدنه  په قصدي ډول رامنځته شوې ده .

هغه ویلي دي چې داسې ښکاري چې چا په قصدي ډول  ودانیو ته  اور اچولی وي.