په سویلي کوریا کې په روغتون کې اورلګیدنې  ستره فاجعه  رامنځته کړه.

 په سویلي کوریا کې په روغتون کې اورلګیدنې  ستره فاجعه  رامنځته کړه.

د سویلي کوریا د رسمي خبري اژانس  د خبر له مخې  پیښه  د پلازمینې سیول سویل ختیځ لورې ته په ۳۸۰ کیلومترۍ کې  پروت  د سیژونګ  د ښار په روغتون کې رامنځته شوې ده.

اورلګیدنه  په ځايي وخت د سهار په ۷ بجو او ۳۰ دقیقو  رامنځته شوه. پدې پيښه کې  لږ تر لږه  د ۴۱ تنو د وژل کیدو  او د نږدې ۸۰ تنو د ټپي کیدو نه خبر ورکړ شوی دی.

اورلګیدنه  د روغتون  په لومړني پوړ کې  په عاجل پور کې پیل او په لنډه موده کې نورو پوړونو ته وغځیده.

ویل کیږي  د نوموړي  روغتون  په لسګونو تنه ناروغان  او ددې پيښې ټپيان  نورو روغتونونو ته انتقال شوي دي.

په پیښه کې د وژل شوو کسانو  هویت  معلوم  ندی.

پولیسو  خبري رسنیو ته ویلي دي چې د پیښې پر مهال  تر ۲۰۰ تنو ډیر ناروغان په روغتون کې ول.

ډیری  کسانو په دویم  پوړ کې ژوند د لاسه ورکړی دی.

په سویلي کوریا کې پداسې حال کې دا پیښه رامنځته کیږي  چې  د ژمنیزو نړۍوالو اولمپیاتو  د سیالیو  کوربه توب کوي.

د نړۍ د ګوټ ګوټ  نه  په زرګونو تنه  نوموړي هیواد ته  تللي او ځي.