امریکا په شا ګام اوچت کړ
د ترکیې فشارونو امریکا په شا ګام اوچتولو ته اړ کړ
![امریکا په شا ګام اوچت کړ](http://cdn.trt.net.tr/images/xlarge/rectangle/b733/3b58/aa6b/5a59b64fd31cb.jpg?time=1719011448)
امریکا متحده ایالتونو په سوریه کې د ترهګرو ډلو نه د منظمې اردو د جوړولو په مسله کې د ترکیې د فشارونو له امله په شا ګام اوچتولو ته اړ شو.
د امریکا د دفاع وزارت پنټاګون وویل چې امریکا د سوریې په شمال کې د ترهګرو سازمانونو نه د پولې د امنیت د ځواک تر نامه لاندې د کومې منظمې اردو د جوړولو هوډ نلري.
د پنټاګون ویاند ایریک پاهون پدې اړه په خپره کړې خبرپاڼه کې ویلي دي چې امریکا به په سوریه کې د ځايي امنیتي ځواکونو روزنې ته دوام ورکړي. د ځايي امنیتي ځواکونو روزنه د سوري کډوالو ته د بیرته راستنیدو او د هغو د امنیت د ټینګولو په خاطر پلان شوې مسله ده. همداشان په هغه سیمو کې چې د ادارې تشه پکې شتون لري کیدای شي چې د داعش ترهګره ډله له سره ریښې وغځوي.
ددې ګواښونو د مخنیوي په خاطر به د سیمه ایزو ځواکونو روزنې بحیر دوام وکړي.
ویاند ویلي دي چې د سیمه ایزو ځواکونو د روزنې نه موخه په سوریه کې د منظمې اردو جوړول ندي.
ویاند ویلي دي چې د روزنې بحیر د داعش ترهګرې ډلې پر خلاف د مبارزې د اهدافو سره سم پر مخ وړل کیږي. سربیره پر دې دا ځواکونه به د سیمې د استقرار سره مرسته وکړي او د ملګروملتونو په مشرۍ د جینیوا بحیر لپاره زمینه برابره کړي .
ویاند ویلي دي چې په سوریه کې د داعش پر خلاف مبارزه او عملیات پایته ندي رسیدلي.
ویاند زیاته کړې ده چې پدې برخه کې د ترکیې اندیښنې په ډیره ښه توګه درک کوي.
د ترکیې اندیښنې پر حق دي. د داعش د بلا د منځه وړو په برخه کې په سوریه کې د روانو فعالیتونو په مسله کې د ترکیې سره د شفافیت نه کار اخلو. زمونږ ټول فعالیتونه شفاف دي. د ترهګرۍ پر وړاندې په مبارزه کې د ناټو په سازمان کې د ستر متفق هیواد ترکیې نه ملاتړ کوو او تل يي تر څنګ ولاړ یو.
د یادولو وړ ده چې تیره اوونۍ د داعش پر خلاف د جوړ شوي ایتلاف ویاند ویلي وو چې امریکا په سوریه کې د کوردانو د ترهګرو سازمانونو نه د ۳۰ زره کسیزې منظمې اردو د جوړولو هوډ لري. دا اردو به د پولو د امنیت د ځواک تر نامه لاندې جوړه شي.
دې څرګندونو د ترکیې او د سیمې د هیوادونو سخت غبرګون وپارو. ترکیې ددې څرګندونو نه سمدلاسه وروسته وویل چې په هیڅډول به دې مسلې ته اجازه ورنکړي او سمدلاسه يي د سوریې د عفرین او مینبیچ په سیمو د عسکري عملیاتو لپاره تیاری ونیو.
امریکا د ترکیې ددې سخت غبرګون نه وروسته په شا ګام اوچتولو ته اړ شو.
د بله پلوه د امریکا د بهرنیو چارو وزیر ریکس ټیلرسن هم پدې اړه څرګندونې وکړې.
هغه وویل چې په سوریه کې د پ ک ک ترهګرې ډلې د څانګو پي وای ډي او وای پي جي په مسله کې د وروستیو ادعاګانو اړوند ترکیې ته وضاحت ورکول زمونږ د غاړې پور دی.
ټیلرسن زیاته کړه چې امریکا د سوریې په شمال کې د ترکیې سره پولو کې د پولو د امنیت د ځواک تر نامه لاندې د منظمې اردو جوړولو نیت نلري. هغه وویل چې د ترکیې اندیښنې درک کولی شي.
ټیلرسن زیاته کړه چې امریکا په سیمه کې یواځې سیمه ایزو ځواکونو ته د روزنې پلان ته دوام ورکوي. ددې مسلې دلیل هم په هغه سیمو کې د امنیت ټیښګت ته زمینه برابرول دي چې د داعش نه ژغورل شوي دي.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1719011448)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.