د سلوانیا د بهرنیو چارو وزیر فلسطین ته زیری ورکړ.
سلوانیا د فلسطین د په رسمیت پیژندو ته تیاری نیسي
د سلوانیا د بهرنیو چارو وزیر فلسطین ته زیری ورکړ.
د سلوانیا د بهرنیو چارو وزیر د بیت المقدس په اړه د امریکا د ولسمشر ټرمپ د پریکړې په غبرګون کې وویل « ددې وخت رارسیدلی دی چې فلسطین د خپلواکه دولت په توګه په رسمیت وپیژنو.»
په سلوانیا کې د ایتلافي حکومت جوړونکي د بهرنیو چارو وزیر د سیاسي ګوندونو د مشرانو سره د لیدنې نه وروسته د فلسطین په اړه د خبریالانو پوښتنې ځواب کړې. هغه وویل چې زه شخصآ پدې باور یم چې د فلسطین د په رسمیت پیژندو وخت رارسیدلی دی.
هغه زیاته کړه چې د سلوانیا حکومت د فلسطین د په رسمیت پیژندو په خاطر اوچتیدونکي ګامونه باید اعلان کړي.
همداشان د سلوانیا د واکمن مدرن مرکزي ګوند یو تن جګپوړي چارواکي د فلسطین د په رسمیت پیژندو په اړه خبریالانو ته وویل « لومړی وزیر او نورو چارواکي هم د فلسطین د په رسمیت پیژندو پلویان دي. خو هغوې وايی چې پدې اړه د غوڅ ګام اوچتولو نه مخکې باید لازم تدابیر ونیول شي .
هغه وویل چې په راتلوونکې اوونۍ کې به پدې مسلې خبرې وشي او د بهرنیو چارو وزیر د لازمو تدابیرو او تیارو په نیولو ګمارل شوی دی.
د ویلو ده چې د سلوانیا سوسیال ډیموکراټ ګوند هم د فلسطین د په رسمیت پیژندو مسلې پلوي کوي خو وايي چې پدې برخه کې باید د ټولنې سره په ګډه حرکت وکړو.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.