د هنګري لومړی وزیر : مسیحي اروپا غواړو

د هنګري لومړي وزیر  ویکتور اوربان یو ځل بیا  ددې خبرې په ټینګار وویل چې  اروپا د میلیونونو تنو کډوالو لخوا  اشغال شوې ده.

هغه وویل چې  ډاډمنده، عادله، مسیحي، ملکي او ازاده اروپا غواړي.

هغه  دا څرګندونې  په ۱۹۵۶ کال کې د هنګري کودتا او خپلواکۍ د جګړې  د ۶۱مې کلیزې  په اړه په پلازمینه  بوداپشت کې  جوړه شوې غونډې ته وکړې.

اوربان وویل چې په اروپا کې د هر ملیت ، دین او مذهب نه  د مختلفو خلکو د ځای په ځای کولو په خاطر  پلان  جوړ شوی دی . غواړي چې اروپا کې ګډوډي رامنځته شي.

هغه  ددې خبرې په ټینګار چې  په میلیونونو تنو کډوالو اروپا  اشغال کړې ده.

هغه وویل  نن ورځ  یواځنۍ سیمه چې  د کډوالو لخوا اشغال شوې نده هغه منځني اروپا سیمه ده.

هغه  په اروپا کې  د ټاکنو په اهیمت  هم ټینګار وکړ او وویل چې دا ټاکنې په اصل کې د اروپا  قدر  معلوموي.

هغه وویل چې  پخوانۍ عادله، مسیحي، ملکي ، ډاډمنده  او ازاده  اروپا غواړي. هغه  زیاته کړه چې د اروپا په اړه جوړ شوی  د متحدو دولتونو  پلان  باید  شنډ کړو.