د هنګري د هیواد دا فلمبرداره د کډوالو نه د ناسم چلند په تور په ۳ کاله بند محکومه شوه

د هنګري محکمې  د یو خصوصي  تلویزیون  هغه فلمبرداره  چې  دوه کاله مخکې  د سربستان او هنګري په پوله کې  یو کډوال چې ماشوم يي په غیږ کې وو  او په ناحقه  توګه يي په لغته وهلی وو  په ۳ کلونو بند  محکومه کړه.

د هنګري او سربستان په پوله کې  د کډوالو سره  بد چلند کوونکې  د خصوصي تلویزیون  فلمبرداره  پیترا لاسزلو په ۳ کلونو بند محکومه شوه.

پیترا لاسزلو د ۲۰۱۵ کال د سپټمبر په میاشت کې  د هنګري او سربستان په پوله کې  یو سوري کډوال چې ماشوم يي هم په غیږ کې وو  ، د پولیسو نه  د تیښتې پر مهال  لومړی په لغته وواهه او وروسته يي ورته خپه واچوله. کډوال د ماشوم سره  یو ځای په مځکه  وغورځید. هنګري د هیواد د خصوصي تلویزیون  د فلمبردارې  دې چلند  په نړۍ کې ډیر سخت غبرګونونه  وپارول.

لومړی  هغه  له دندې ګوښه شوه او وروسته يي پر خلاف په محکمه کې اقامه  د دعوا وشوه.

د هیلسنکي د کمیسیون  یو تن د مدافع وکیل  د نوموړې فلمبردارې پر خلاف په محکمه کې اقامه  د دعوا وکړه. هغه  نوموړې  په ټوله کې  تاوتریخوالي او شدت ته د مخې کولو  ، کینو پارولو  او په قصدي ډول  په یو تن بې ګناه  انسان د برید کولو  په تور تورنه کړه.

محکمې  د نوموړې  دعوا په اړه  خپله وروستۍ پریکړه اعلان کړه. محکمې  پیترا لاسزلو  په دریو کلنو  بند محکومه کړه.