د خونړي بريد پړه داعش پر غاړه واخيستله!
د امريكا د متحدو ايالتونو د لاس وېګاس په ښار كې پر يو كنسرت باندې د تېرې شپې د خونړي بريد پړه داعش پر غاړه واخيستله.
دا په داسې حال كې ده چې امريكايي مقامات بيا وايي چې د داعش ددې ادعا په اړه څېړنې كوي.
د رويټرز د خبري آژانس د معلوماتو له مخې دا بريد د سټېفن پاډوك په نامه د يو تن ۶۴ كلن شخص لخوا ترسره شوى دى.
پوليس وايي چې بريدګر د كنسرت سيمې ته نږدې د يو هوټل د ۳۲م پوړ نه د ماشينګڼې په واسطه پر نندارچيانو ډزې كړي دي.
بريدګر هم د پوليسو لخوا وژل شوى دى.
د سټيفن پاډوك په نامه د ۶۴ كلن بريدګر په اړه كره معلومات نشته دى خو د سيمې پوليس وايي چې دوى فكر نه كوي چې بريد دې ترهګري موخه ولري.
د بله پلوه د داعش لخوا د بريد په اړه په خپره شوې اعلاميه كې راغلي دي چې پاډوك څو مياشتې وړاندې مسلمان شوى و او بريد د دوى د لارښونو پر اساس ترسره كړى دى.
د داعش دا ادعا د امريكايي مقاماتو لخوا رد شوې ده خو ويل كيږي چې پدې اړه هم نورې څېړنې كيږي.
د بله پلوه د بريدګر ترڅنګ د ماريليو ډېنلي په نامه يوه ښځه هم وه چې اوسمهال د پوليسو لخوا لټول كيږي.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.