د فیسبوک مشر په شرکت کې خپله ۱۸ سلنه برخه پلوري
د فیسبوک مشر د خیریه ټولنو سره د مرستې په موخه د خپل شرکت حصه پلوري
د ټولنیزې مډیا نامتو د فیسبوک شرکت بڼسټ ایښودونکی او مشر مارک زوکربرګ په شرکت کې د ۱۸ سنلې حصې د پلورولو پریکړه وکړه.
د فیسبوک بڼسټ ایښودونکی او مشر زوکربرګ چې په نړۍ کې پنځم شتمن ګڼل کیږي ویلي دي چې د راتلوونکي یو نیم کال په دننه کې به د خپل شرکت ۱۸ سلنه حصه وپلوري.
د بله پلوه د فیسبوک شرکت بیا ویلي دي چې زوکربرګ په پام کې لري چې د ۳۵ نه تر ۷۵ میلیونو ډالرو په اندازه خپله حصه وپلوري.
زوکربرګ ته نږدې سرچینو ویلي دي چې هغه غواړي دا پیسې د هغه د میرمن لخوا جوړ شوي مرستندویه ټولنې سره مرسته وکړي.
د زوکربرګ میرمن په ۲۰۱۵ کال کې د چان زوکربرګ انیتیتیف په نامه مرستندویه ټولنه جوړه کړه.
۳۳ کلن زوکربرګ او میرمن يي ۳۲ کلنه چان دم ګړۍ ۷۴عشاریه ۴ میلیارده ډالره سرمایه لري.
زوکربرګ او میرمن يي په ۱۵ م کال کې اعلان کړی وو چې د خپلې شتمنۍ لویه برخه کې به خیریه کارونو ته ځانګړې کړي .
