په امریکا کې په یو تفریحي سیمه کې په خلکو وسله وال برید وشو
د امریکا ویسکانسین په ایالت کې په تفریحي سیمه کې وسله وال برید وشو
![په امریکا کې په یو تفریحي سیمه کې په خلکو وسله وال برید وشو](http://cdn.trt.net.tr/images/xlarge/rectangle/53fe/760b/60ef/599140648921c.jpg?time=1718956061)
د امریکا متحده ایالتونو د ویسکانسین په ایالت کې په تفریحي سیمه کې په وسله وال برید کې لږ تر لږه ۳ تنو ژوند د لاسه ورکړ.
د اسوسیشید خبري اژانس د خبر له مخې یو تن ۲۰ کلن ځوان د ویسکانسین په یوې تفریحي سیمه کې په په خلکو ډزې وکړې چې په پایله کې ۲ تنو ځای په ځای ژوند د لاسه ورکړ او دریم تن د روغتون په لاره کې ساه ورکړه.
عیني شاهدانو بیا ویلي دي چې برید کوونکی راغلی په مخامخ ډول يي ددې پیښې په قربانیانو ډزې وکړې.
د یاد شوي ایالت پولیسو ویلي دي چې برید کوونکی د پیښې نه وروسته په تیښته بریالی شوی دی . پولیسو ویلي دي چې برید کوونکي هویت معلوم شوی دی. برید کوونکی شل کاله عمر لري او تور پوستی دی.
پولیسو د برید کوونکي نوم ندی افشا کړی.
برید کوونکی تر اوسه پورې نیول شوی ندی خو د نیولو په خاطر يي ځانګړي عملیات پيل شوي دي.
ویل کیږي دا پیښه د موټرو د یوې سیالۍ پر مهال چې په زرګونو تنه ورته راټول شوي وو رامنځته شوې ده .
نوموړي کسان د زرګونو تنو د سترګو پر وړانډې وژل شوي دي.
پولیسو د پیښې په اړه څیړنې پیل کړي دي او ویلي دي چې ددې پیښې انګیزه تراوسه پورې معلومه نده.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1718956061)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.