روسیې لخوا د ناټو سازمان غړیو هیوادونو ته غیرې مستقیم خبرداری .
روسیه وايي چې ددوې پرته د داعش پر خلاف مبارزه بریالۍ کیدی نشي
روسیې د ناټو سازمان غړیو هیوادونو ته غیرې مستقیم خبرداری ورکړ.
روسیې د ناټو سازمان په غړیو هیوادونو په سوریه او عراق کې د امریکا په مشرۍ په عسکري ایتلاف کې د ګډون د پریکړې له امله نیوکې وکړې او په غیرې مستقیم توګه يي ورته خبرداری ورکړ.
په ناټو سازمان کې د روسیې دایمې استازي الکساندر ګرشکو تیره اوونۍ ترسره شوي د ناټو سازمان په اړه ارزونې وکړې.
هغه د داعش پر خلاف د مبارزې په ایتلاف کې د ناټو سازمان په ګډون نیوکه وکړه او وویل چې « د ناټو سازمان کیدی شي چې پدې مبارزه کې د روسیې او د داعش پر خلاف د مبارزې د ایتلاف د غړیو ترمنځه د دوامداره ارتباطاتو او اړیکو په مخکې ځیني خنډونه رامنځته کړي . »
هغه زیاته کړه چې پدې ایتلاف کې د ناټو سازمان ګډون به د ناټو سازمان د غړیو هیوادونو او روسیې ترمنځه د اړیکو د پرمختګ مخه هم ونیسي.
هغه د داعش پر خلاف د مبارزې په برخه کې د روسیې په اهمیت ټینګار وکړ او زیاته کړه چې د روسیې ملاتړ پرته ناټو هم پډې برخه کې بریالی کیدی نشي.
همداشان د روسیې پرته د ناټو لخوا د اړیکو ټینګول هم ناممکنه خبره ده .
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.