په هندوستان کې یو تن مسلمان په موټر کې د غوګانو د وړولو له امله ووژل شو

په هندوستان کې  تندلارو هندوانو   یو تن  مسلمان په لارۍ موټر کې د غواګانو د انتقالولو له امله په وهلو وهلو وواژه.

د هندوستان  په لویدیځ کې د راجاستان  په ایالت کې  تندلارو هندوانو  یو تن مسلمان چې په موټر کې غواګانو  انتقالوله  له امله  تر مرګه وډبوه.

د یاد شوي ایالت  یو تن پولیس  د خپل نوم د نه ښودلو په شرط سره  خبري رسنیو ته ویلي دي چې  ، د وهل شوی  مسلمان پهلوخان  نومیږي  او د اخیستو ټپونو له امله يي په روغتون کې ساه ورکړې ده .

 هغه ویلي دي چې  د پیښې په تړاو  تر اوسه پورې څوک  نیول شوي ندي.

د بله پلوه  د سیمه  یو ځایي تلویزیون  د نوموړي مسلمان د وهلو ډبولو  ویدیو  خپره کړې ده.

د هندوستان د راجاستان په ګډون په یو زیات شمیر ایالتونو کې  د غوا  حلالول  او د غوښې  خوړل يي  منع  دي.

همداشان تیره اوونۍ  د هندوستان د ګجرات ایالت  پارلمان  بیا  د حیواناتو د ژغورنې په قانون کې  د اصلاحاتو په راوستو سره  د غوا  حلالوونکو  ته  د ټول عمر  بند  سزا  تصویب کړه.