عراقي ځواکونو د داعش نه ډیری سیمې بیرته ونیولې
د داعش ترهګرې ډلې پر وړانډې د مبارزې په برخه کې د امریکا متحده ایالتونو ځانګړي استازي بریت مک ګورک ویلي دي چې عراقي ځواکونو د داعش ترهګرې ډلې نه ۶۵ سلنه خاوره بیرته نیولې ده.
د داعش ترهګرې ډلې پر وړانډې د مبارزې په برخه کې د امریکا متحده ایالتونو ځانګړي استازي بریت مک ګورک ویلي دي چې عراقي ځواکونو د داعش ترهګرې ډلې نه ۶۵ سلنه خاوره بیرته نیولې ده.
هغه په بغداد کې د امریکا په سفارت کې خبري غونډې ته وویل « عراقي ځواکونو د ایتلافي ځواکونو په مرسته د داعش پر خلاف د پيل کړو عملیاتو په ترڅ کې ۵۰ زره کیلومتره سیمه بیرته نیولې ده . عراقي ځواکونو په نوموړي هیواد کې د داعش ترهګرې ډلې د کنټرول لاندې د سیمو نه ۶۵ سلنه سیمې نیولي دي. »
هغه زیاته کړه چې د امریکا په مشرۍ نړۍوال ایتلاف د عراق ۹۰ زره تنه سرتیري د ترهګرۍ پر وړاندې د مبارزې په خاطر روزلي دي. همداشان د ایتلافي ځواکونو په هوايي بریدونو کې د داعش ترهګرې ډلې تر ۱۸۰ تنه ډیر مشران وژل شوي دي.
هغه ویلي دي چې د داعش ترهګرې ډلې تر کنټرول لاندې سیمو ته غځیدلي ټولې لارې نیول شوي دي او داعش تر محاصرې لاندې قرار لري.
هغه زیاته کړه چې د داعش ترهګرې ډلې د جنګیالیو د تیښتې او یا دوې سره د تازه دمو جنګیالیو یو ځای کیدل ناممکنه خبره ده.
د داعش ماته عام خبره ده. د داعش ترهګرې ډلې ټول جنګیالي د مرګ نه پرته بله لار نلري . ټول به مړه کیږي.
همداشان هغه امریکا ته د عراق د لومړي وزیر حیدر العبادي د سفر نه هم خبر ورکړ. هغه وویل چې لومړی وزیر العبادي به په نږدې راتلوونکي کې امریکا ته سفر وکړي او د ولسمشر ټرامپ سره به وویني. هغه وویل چې د عراق د امنیت مسله د امریکا لپاره ځانګړی اهمیت لري.
د داعش پر خلاف د مبارزې په برخه کې د امریکا ځانګړی استازی د تیر خالي په ورځ په بغداد کې د لومړي وزیر العبادي سربیره د پارلمان ریس سلیم الجبوري او د ملي دفاع وزیر عرفان خیرلي سره لیدنې وکړې.
اړوند خبرونه
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.