د ټرامپ د کابینې د عدلیې وزیر د روسیې سره په پټو لیدونو تورن شو

د امریکا  متحده ایالتونو د ولسمشر دونالد ټرامپ  د کابینې د عدلیې وزیر هم  د روسیې سره  په پټو لیدونو کتنو  تورن شو.

د ویلو ده چې  ددینه مخکې  د امریکا  د ولسمشر ټرامپ  د ملي امنیت سلاکار فلین  چې د روسیې د سفیر سره  په پټه لیدنې  تورن وو له خپلې دندې  استعفا کولو ته  مجبور شو.

د امریکا  مطبوعاتو دا ځل  د ټرامپ  د کابینې د عدلیې  وزیر جیف سشنز په واشنګټن کې  د روسیې د سفیر سره په پټه په لیدنې  تورن کړ.

د امریکا د واشنګټن پوست ورځپاڼې  ویلي دي چې  د عدلیې وزیر سشنز  تیر کال  د خپل کار  په دفتر کې  د روسیې د سفیر سره په پټه لیدنه کړې ده . ورځپاڼې لیکلي دي چې  دا لیدنه  د سشنز د سناتورې د دندې پر مهال  ترسره شوې ده . نوموړي  بیا  د امریکا د سنا  دا لیدنه پټه کړې ده.

یادې شوې ورځپاڼې  لیکلي دي چې  نوموړي  د ولسمشر ټرامپ  د ټاکنیزو کمپاینونو پر مهال  د روسیې  د سفیر سره  لیدلي دي.

امریکايي خبري رسنیو د خبر له مخې  د امریکا د عدلیې وزیر جیف سشنز  د تیر کال  د جولای او سپټمبر په میاشت کې  د خپل کار په دفتر کې  د روسیې د سفیر سره  پټه لیدنه کړې ده .

روسیې  بیا  د سشنز  سره  د لیدنې  په اړه ادعاګانې په کله توګه  رد کړي دي.