روسیې په تاجکستان کې د افغانستان سره په پوله کې عسکري هډه فعاله کړه.
روسیه : په افغانستان کې داعش او نورو ترهګرو زمونږ ژورې اندیښنې پارولي دي.
روسیې د افغانستان سره په پوله کې په تاجکستان کې عسکري هډه فعاله کړه.
د روسیې ولسمشر ولادیمیر پوتین چې د رسمي سفر په ترڅ کې تاجکستان ته تللی دی خبریالانو ته وویل « د تاجکستان سره د افغانستان سره په پوله کې د روسیې د عسکري هډې د فعالو په اړه په تفاهم ورسیدو. »
پوتین دا څرګندونې د تاجکستان د ولسمشر امام علي رحمان سره د لیدنې نه وروسته ګډې خبري غونډې ته وکړې. پوتین وویل چې دا پریکړه د افغانستان نه تاجکستان او روسېې ته د داعش او نورو ترهګرو ډلو د تګ راتګ او نفوذ د مخنیوي په خاطر شوې ده .
هغه زیاته کړه چې په افغانستان کې داعش او نورو ترهګرو ددوې ژورې اندیښنې پارولي دي.
د همدې امله مو د افغانستان سره په پوله کې په تاجکستان کې د روسیې د موجودې عسکري هډې د فعالولو پریکړه وکړه.
د روسیې ولسمشر ولادیمیر پوتین تاجکستان ته د خپل سفر په ترڅ کې د نوموړي هیواد ولسمشر امام علي رحمان ته د دواړو هیوادونو اړیکو د قوي کولو د مسلې سره د مرستې له امله د روسیې د الکساندر نیوسکي دولتي نښان ورکړ.
د بله پلوه د کرملین ماڼۍ ویلي دي چې ولسمشر پوتین تاجکستان ته د خپل سفر په چوکاټ کې د نوموړي هیواد سره د اقتصادي، تجاري، انرژۍ او پوهنې د برخو په ګډون په ۷ جلا جلا برخو کې ۷ تړونونه لاسلیک کړل.
اړوند خبرونه
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.