د امریکا د ۱۶ ایالتونو څارنوالانو د کډوالو په اړه د ټرامپ پریکړه وغندله

د امریکا  د نوي ولسمشر دونالد ټرامپ  لخوا امریکا ته د ۷ اسلامي هیوادونو د وګړو  په راتګ  د بندیز لګولو په اړه  سخت غبرګونونه  د لویدو په حال کې دي.

داځل  د امریکا  د ۱۶ ایالتونو  لوی څارنوالانو  د ټرامپ  دا پریکړه په کلکو ټکو وغندله  او ددې پریکړې نه د امریکا  د قوانینو او ارزښتونو پر خلاف  د پریکړې په توګه یادونه وکړه.

د امریکا  د ۱۶ ایالتونو  لوی څارنوالانو  د ولسمشر ټرامپ لخوا امریکا ته د ۷ اسلامي هیوادونو د وګړو په راتګ د بندیز لګولو  د پریکړې پر خلاف ګډه  اعلامیه خپره کړه.

په اعلامیه کې راغلي دي چې  « څه باندې  ۱۳۰ میلیونو تنو امریکایانو او په ۱۶ ایالتونو کې د میشتو په سلګونو زرو  تنو بهرنیانو د څارنوالانو په توګه  امریکا ته  هیواد ته د مسلمانانو په راتګ د بندیز لګولو اړوند  د ولسمشر ټرامپ  پریکړه  چې  د هیواد د اساسي قانون او ارزښتونو سره  په ټکر کې  غندو.»

په اعلامیه کې ددې خبرې په ټینګار ویل شوي دي چې دیني  ازادي  او ډیموکراسي  د امریکا اصلي ارزښتونه  او اساس  تشکیلوي. هیڅ ولسمشر  دا حقیقت  بدلولی نشي.

د ویلو ده چې  دا اعلامیه  د نیویارک، واشنګټن ډي سي، کالیفورونیا، پنسلوانیا، ماساچوست، هاوايي، ویرجینا، اورګن، کنتیکټ ، ویرمونت، ایلینوی، نیومکسیکو، لووا، مین ،ماري لانډ او واشنګټن  ایالتونو  د لوی څارنوالانو لخوا په ګډه خپره شوې ده .