د ایټالیا په توریستي سیمه کې یو هوټل د واورولاندې شو

په ایټالیا کې  د واورو د ښوییدو له امله  یو هوټل  د مساپرو او هوټل  د کارکوونکو سره  یو ځای  د واورو لاندې شو.

پيښه د ایټالیا  په مرکزي د پيسکارا په توریستي  سیمه کې  رامنځته شوې ده . د ویلو ده چې  پدې وروستیو کې  په یاده شوې سیمه کې   څو ځله زلزله  رامنځته شوه.

د ایټالیا  د پيسکارا د سیمې والي انتونیو دي مارکو خبري رسنیو ته ویلي دي چې  ژغورنې ډلې سیمې ته استول شوي دي . هغه ویلي دي  چې د ځاني زیانونو  غوڅه شمیره معلومه نده. د بله پلوه ځیني خبري رسنیو ویلي دي چې پدې پیښه کې لږ تر لږه  ۳۰ تنه وژل شوي دي. د ژغورنې ډلو  یواځې د یو تن  مړی  د واورو نه راویستلی  دی. 

د ویلو ده چې  پدې هوټل کې ډیری  انګلیس مساپر  پاتې کیږي. هوټل  د پیسکارا  په توریستي سیمه کې  موقعیت لري. ډیری  ګرځندویان  سکي بازي  په خاطر سیمې ته ځي .