د نوبل جایزې خاوندانو د روهینګا مسلمانانو د نسل وژنې د مخنیوي غوښتنه وکړه

د نوبل  د جایزې  ګټوونکو  یوې  ډلې  په برما  کې  د روهینګا مسلمانانو پر وړاندې د روانو ظلمونو  ، عام وژنو  او بشري جنایتونو د درولو غوښتنه وکړه.

د ملالې  یوسفزۍ  په ګډون  یوې ډلې  د نوبل د جایزه خاوندانو  د ملګروملتونو د امنیت شورا ته په استولي  لیک کې  د برما  د بهرنیو چارو وزیرې  او د ولسمشر په سر سلاکارې  انګ سان سو چي  چې  د سولې په برخه کې د نوبل جایزه لري  سختې نیوکې کړي دي.

په لیک کې  د ملګروملتونو د امنیت شورا نه په برما کې د روهینګا مسلمانانو پر وړاندې د روانې نسل وژنې، بشري جنایتونو او بشري حقونو د نه تیرو  هر څه ژر د درولو په برخه کې د اقدام کولو غوښتنه شوې ده . همداشان  پدې لیک کې  د برما  د بهرنیو چارو وزیرې  او د ولسمشر په سر سلاکارې  چې د سولې په برخه کې  نوبل جایزه لري  د روهینګا  مسلمانانو پر وړاندې په روانو ظلمونو او نسل وژنۍ  د سترګو پټولو  له امله  سختې نیوکې شوي دي.

په لیک کې د امنیت شورا نه غوښتنه شوې ، که چیرې  د روهینګا د مسلمانانو پر وړاندې د روانو ظلمونو د مخنیوي په خاطر هر څه ژر په اقدام  لاس پورې نشي  په زرګونو تنه  به  د مرمیو  پر ځای  د ولګې  نه  ژوند  د لاسه ورکړي.

همداشان  په لیک کې د برما د حکومت نه د اراکان په سیمه کې د روهینګا په مسلمانانو د لګولو ټولو بندیزونو د لرې کولو  غوښتنه شوې ده . د روهینګا مسلمانانو ته د بشري مرستو رسولو ته د اجازې ورکولو غږ شوی دی .