امریکا متحده ایالتونو اسراییلو ته تر ټولو پرمختللې اف ۳۵ ډوله جنګي الوتکې وسپارلې.
اسراییلو د امریکا نه ۵۰ اف ۳۵ ډوله الوتکې رانیولي دي چې لومړنۍ دوه الوتکې ورته وسپارل شوې.
امریکا متحده ایالتونو اسراییلو ته تر ټولو پرمختللې اف ۳۵ ډوله جنګي الوتکې وسپارلې.
اسراییلو د امریکا نه ۵۰ اف ۳۵ ډوله الوتکې رانیولي دي چې لومړنۍ دوه الوتکې ورته وسپارل شوې.
د اسراییلو د پوځ لخوا په خپره شوې خبرپاڼه کې ویل شوي دي چې د امریکا متحده ایالتونو نه د رانیولو ۵۰ اف ۳۵ ډوله الوتکو نه دوه الوتکې دوی ته سپارل شوي دي او اسراییلو ته راوړل شوي دي.
د اسراییلو لوی درستیز ویلي دي چې د نوموړو الوتکو په استفادې به په ۲۰۱۷ کال کې پیل وکړي.
د یادولو وړ ده چې اسراییلو لومړی د امریکا متحده ایالتونو نه ۳۳ اف ۳۵ ډوله الوتکې رانیولې وې چې تیره میاشت يي ۱۷ نورې هم فرمایش ورکړې او د الوتکو شمیره يي ۵۰ ته لوړه کړه.
اف ۳۵ ډوله جنګي الوتکې د نړۍ تر ټولو پرمختللې جنګي او دفاعي الوتکې دي.
دا الوتکې چې د ارواح په نامه هم مشهورې دي د اوږدې مودې لپاره د تیلو د اکمال نه پرته په هوا کې د پاتې کیدو توان لري.
د بله پلوه د امریکا د دفاع وزیر کارټر اشتون اسراییلو ته د اف ۳۵ ډوله الوتکو د سپارولو په مراسم کې د ګډون په خاطر نوموړي هیواد ته سفر کړی دی.
اشتون په مراسمو کې د ګډون نه مخکې د خپل اسراییلي سیال سره دوه په دوه لیدنه وکړه.
پنټاګون ویلي دي چې پدې لیدنه کې د دواړو هیوادونو په اړیکو او منځني ختیځ کې د داعش پر خلاف په روانو عملیاتو خبرې شوي دي.
