طالبانو تاجکستان ته د تیریدو هڅه وکړه.
یوې ډلې طالبانو چې تاجکستان ته د تیریدو هڅه کوله د نوموړي هیواد د سرحدي ځواکونو سره نښته وکړه
طالبانو تاجکستان ته د تیریدو هڅه وکړه.
د سپوتنیک خبري اژانس د تاجکستان د پولو د امنیت د ملي ادارې د چارواکیو له قوله لیکلي دي چې چې تیره ورځ یوه ډله طالبان د کندوز ولایت نه ددوی خاور ته تیر شوي وو چې وروسته ددوی د سرحدي ځواکونو سره په نښته کې ښکیل شول.
د تاجکستان د پولو د امنیت ملي ادارې ویلي دي چې د طالبانو یوه ۹ کسیزه ډله تیره ورځ د امو سیند نه په تیریدو سره د تاجکستان خاورې ته تیره شوې وه چې د سرحدي ځواکونو د ګزمې د ډلې لخوا تثبیت او نښته پیل شوه.
په نښته کې یو تن تاجک سرتیري او یو تن طالب ژوند د لاسه ورکړی دی.
د ویلو ده چې دا لومړی ځل دی چې طالبان د افغانستان شمال لوري ته یو ګاونډي هیواد ته د تیریدو هڅه کوي.
سره ددې چې یو څه موده مخکې طالبانو ویلي وو چې غواړي د ګاونډیو هیوادونو سره ښې اړیکې ولري خو دا لومړی ځل دی چې تاجکستان ته د تیریدو هڅه کوي.
طالبانو د تاجکستان د پولو د امنیت د ملي ادارې د څرګندونو په ځواب کې تر اوسه پورې څه ندي ویلي.
اړوند خبرونه
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.
