په امریکا کې یو تن په ۱۵۰۳ کلونو بند محکوم شو
په امریکا متحده ایالتونو کې یو تن په خپل لور د جنسي تیري په تور په ۱۵۰۳ کلونو بند محکوم شو.
![په امریکا کې یو تن په ۱۵۰۳ کلونو بند محکوم شو](http://cdn.trt.net.tr/images/xlarge/rectangle/956f/fab8/0a20/580ee00e806ca.jpg?time=1719041265)
په امریکا متحده ایالتونو کې یو تن په خپل لور د جنسي تیري په تور په ۱۵۰۳ کلونو بند محکوم شو.
د امریکا د کالیفورنیا ایالت د فریسنو په ښار کې یوې نجلۍ پر ده د جنسي تیري کولو له امله د خپل پلار نه پولیسو ته شکایت وکړ.
پولیسو د۲۱ کلنې نجلۍ د شکایت نه سمدلاسه وروسته د هغه پلار ۴۱ کلن ریني لوبز ونیولو.
همداشان د تیرې جمعې په ورځ د کالیفورنیا ایالت د فریسنو د ښار محکمې ۴۱ کلن پلار په خپل لور د جنسي تیري کولو په جرم په ۱۵۰۳ کلونو بند محکوم کړ.
د نوموړې دعوا او دوسیې څیړونکي هیت محکمې ته ویلي دي چې ۴۱ کلن لوبز یواځې د سپټمبر په میاشت کې ۱۸۶ ځله په خپل لور جنسي تیری کړی دی .
د ویلو ده چې د کالیفورنیا ایالت د فریسنو د ښار په تاریخ کې دا لومړی ځل دی چې یو تن په ۱۵۰۳ کلونو بند محکومیږي.
نوموړې نجلۍ محکمې ته ویلي دي چې لومړی پرې د کورنۍ د دوستانو لخوا جنسي تیری وشو چې وروسته پلار يي هم په هغه دا ظلم پیل کړ.
هغه ویلي دي چې په پیل کې کوچنۍ وه او د ډار نه يي پولیسو ته شکایت کولی نشو. خو اوس نوره دې سن ته رارسیدلې ده چې دې ظلم ته د پای ټکی کیږدي.
نوموړې نجلۍ پولیسو ته ویلي دي چې د لومړي ځل لپاره پرې په ۲۰۰۹ کال کې جنسي تیری وشو. همداشان دې کار تر ۲۰۱۳ کاله پورې دوام پيدا کړ. هغه ویلي دي چې په اوونۍ کې د دوو نه تر درې ځله به پرې جنسي تیری کیدولو.
نجلۍ ویلي دي چې په ۲۰۱۳ کال کې د کور نه وتښتیده. د تښتیدو نه وروسته يي پولیسو ته شکایت وکړ.
د محکمې ریس ادوارد سرکیسیان د ۴۱ کلن پلار نه د ټولنې لپاره تر ټولو نه د خطرناک کس په توګه یادونه وکړه او هغه يي په تاریخي بند محکوم کړ.
د یادولو وړ ده چې ۴۱ کلن لوبز د ۲۰۱۳ کال د نوامبر په میاشت کې د پولیسو لخوا نیول شوی وو او دعوا يي دوام درلود.
نوموړي په خپل لور تورونه پورې کړي دي.
د کالیفورنیا ایالت د ریسنو د ښار محکمې د تیرې جمعې په ورځ د نوموړې دعوا په اړه خپله وروستۍ پریکړه واوروله. محکمې ۴۱ کلن پړ وباله او هغه يي په خپل لور د جنسي تیري کولو په جرم په ۱۵۰۳ کلونو بند محکوم کړ.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1719041266)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.