امریکا د داعش ترهګرې ډلې د ویاند الادناني‌ د وژلو پخلی وکړ

امریکا متحده ایالتونو   د دفاع وزارت پنټاګون د  داعش ترهګرې  ډلې  د ویاند  ابو مخمد الادناني  د وژل کیدو  خبر  تایید کړ.

د پنټاګون لخوا  په خپره شوې خبرپاڼه کې  ویل شوي‌ دي‌ چې  د داعش  ترهګرې  ډلې  د مهمو څیرو او مشرانو نه   الادناني‌ د اګست په ۳۰ مه نیټه  ددوی  په هوايي  برید کې  ووژل شو.

امریکا  پداسې  حال کې  د الادناني‌ د وژل کیدو د خبر پخلی کوي‌ چې  روسیه  هم  د الادناني‌ د وژلو  ادعا کوي.

ددینه نه مخکې  د روسیې  د دفاع وزارت اعلان کړی وو  چې  الادناني‌ د اګست په ۳۱ مه نیټه  ددوی  په هوایي  برید کې  وژل شوی  دی.

خو امریکا بیا  وايي  چې  د داعش  ویاند د اګست په ۳۰ نیټه ددوی  لخوا په ترسره شوي‌ هوايي‌ برید کې  ووژل شو.