د اسراییلو پر خلاف په اسکاټلنډ کې په زړه پورې مظاهره وشوه
په زرګونو تنو اسکاټنلنډیانو د اسراییلو پر خلاف سخت غبرګون وښود
په اسکاټلنډ کې د فوټبال مینه والو د نوموړي هیواد او اسراییلو د فوټبال د لوبډلو ترمنځه د سیالۍ پر مهال په فلسطین کې د اسراییلو د حکومت روان ظلمونه وغندل.په زرګونو اسکاټلنډیانو د سیالۍ پر مهال د جیبونو نه د فلسطین بیرغونه راوویستل او په رپولو يي ورته پیل وکړ. د اسکاټلنډ خلکو پدې ډول د فلسطین د خلکو سره خپله مینه او خواخوږي څرګنده کړه.
لوبه د اسکاټلنډ د ګلاسکو په ښار کې جوړه شوې وه. په زرګونو تنو اسکاټلنډیانو د بندیز سره سره د فلسطین د بیرغونو په رپولو سره د اسراییلو حکومت پر خلاف سخت غبرګون څرګند کړ.
همداشان نوموړو د فلسطین په اړه د اسراییلو د موجودو سیاستونو پر خلاف شعارونه ورکړل.
نوموړو په بیت المقدس، لویدیځې تراړې او غزه کې د اسراییلو کړنۍ وغندلې.
د اسراییلو د فوټبال لوبډله د اسکاټلنډیانو ددې اقدام په مقابل کې د حیرانتیا سره مخامخ شوه.
د ویلو ده چې د اروپا د فوټبال فدراسیون لوبغالو ته د بیرغونو په راوړلو بندیز لګولی دی.
