دونالد ترومپ یو ځل بیا جنجال برانګیزه څرګندونې وکړې
ترومپ :« د ولسمشر په توګه د ټاکل کیدو په صورت کې به هر هغه مسلمان چې وغواړي امریکا کې میشت شي لومړی به ترینه عقیدتي امتحان واخلو . »
په امریکا متحده ایالتونو کې د ولسمشرۍ لپاره د جمهوریت پلوي ګوند نوماند دونالد ترومپ وویل « د ولسمشر په توګه د ټاکل کیدو په صورت کې به هر هغه مسلمان چې وغواړي امریکا کې میشت شي لومړی به ترینه عقیدتي امتحان واخلو . »
دونالد ترومپ دا څرګندونې د اوهایو ایالت کې وکړې. هغه وویل چې د سړې جګړې پر مهال هم د عقیدتي امتحانونو شتون درلود. نن ورځ د سړې جګړې نه لا زیات د جدي ګواښونو سره مخامخ یو. نن ورځ لا جدي امتحانونو ته اړتیا لرو.
هغه وویل چې د ترهګرۍ او تندلارو اسلامپالو پر خلاف د مبارزې تر ټولو ښه لاره امریکا ته د کډوالۍ پر مهال د هغوې نه د عقیدتي امتحانونو اخیستل دي.
ترومپ د منځني ختیځ په اړه د اوباما او د هغه د ادارې په ستراتیژۍ سخنې نیوکې وکړې او وویل چې په عراق، ایران، لیبیا، سوریې او مصر په قبال کې د امریکا موجود سیاست ناکامه سیاست دی.
غه وویل چې د ملتونو د بیارغونې او یا په منځني ختیځ کې د ډیموکراسۍ د پلي کولو د هلو ځلو سره سخت مخالفت کوي.
ترومپ د داعش ترهګرې ډلې د راپیدا کړو اصلي لامل د اوباما او د هغه د بهرنیو چارو د پخوانۍ وزیرې هیلري کلنټن ناکامه سیاستونه وبلل او وویل چې ددوې سیاستونو د منځني ختیځ امنیت او استقرار له منځه وړی دی .
ترومپ وویل چې ناټو کولی شي چې د داعش پر خلاف په مبارزه کې د روسیې سره ګډ ګامونه پورته کړي.
ترومپ د تیر کال د دسمبر په میاشت کې په خپلو څرګندونو کې ویلي وو چې امریکا ته د مسلمانانو په راننوتو باید بندیز ولګول شي. د ترومب دې څرګندونو د مسلمانانو سربیره د امریکايي سیاستوالو سخت غبرګون پارولی وو.
ترومپ دا ځل وویل « هر هغه مسلمان چې وغواړي په امریکا کې ژوند وکړي د هغه نه باید لومړی عقیدتي امتحان واخیستل شي. د هغه په اړه ډیرې جدي څیړنې ترسره شي. »
اړوند خبرونه
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.