د ګوانتانامو د زندان ۱۵ تنه زندانیانو متحده عربي اماراتو ته وسپارل شول

امریکا متحده ایالتونو د دفاع وزارت پنټاګون  د ګونتانامو د زندان  ۱۵ تنه  زندانیان  متحده عربي اماراتو ته د سپارولو نه خبر ورکړ.

د ویلو ده چې  دا لومړی ځل دی چې  د ګوانتانامو  د زندانو نه  ۱۵ تنه زندانیان  په یو ځل  بل هیواد ته سپارل کیږي.

پنټاګون ویلي دي چې  عربي اماراتو ته د سپارل شوو زندانیانو نه  ۳ تنه د افغانستان او ۱۲ تنه  د یمن وګړي دي. د ویلو ده چې  متحده عربي اماراتو ته د سپارل شوو زندانیانو د نومونو په اړه څه ندي ویل شوي. 

د ګوانتانامو په زندانو کې  ۶۱ تنه  زندانیان  پاتي دي.

د ویلو ده چې  د ۲۰۰۱ کال  د سپټمبر په ۱۱مه نیټه  د القاعدې ترهګرې ډلې لخوا د نیویارک په اسمان څلو  د بریدونو نه وروسته  امریکا د القاعدې د غړیو لپاره د ګوانتانامو زندان جوړ کړ.

امریکا په سلګونو تنه  دې زندان ته اچولي وو.

د بله پلوه  په امریکا متحده ایالتونو د ګوانتانامو د زندان له امله سختې نیوکې  دوام لري.

ولسمشر باراک اوباما   د ولسمشرۍ په کمپاین کې د خلکو سره  د ګوانتانامو د زندان د تړولو  ژمنه کړې وه. هغه ویلي وو چې  دا زندان  د امریکا  د خلکو لپاره  یوه  توره لکه  ده  او دا زندان به وتړي خو  تر اوسه پورې  د زندان په تړولو قادر شوی ندی.

اوباما څو ځله  د زندان د تړولو اقدام وکړ خو  تل  د خنډونو سره  مخامخ شو.

اوباما چې  د زندانو په تړولو قادر شوی ندی  خو د زندان د زندانیانو شمیر  د پام وړ راټیټه کړې ده .

اوباما  په پام کې لري چې  د دندې د مودې د ختمیدو نه مخکې د ګوانتانامو زندان  وتړي.