د مونیخ برید په جرمني کې د امنیت په اړه اندیښنې پارولي دي

د جرمني  د مونیخ په ښار کې په یو سوداګریز مرکز  د وسله وال برید له امله  د وژل شوو ۹ تنو نه  ۳ تنه يي  ترکان  دي.

پدې پیښه کې  ۲۷ تنه  ټپیان شوي دي. د ترکیې د بهرنیو چارو وزیر مولود چاوش اوغلو خبري رسنیو ته وویل چې  د مونیخ په خونړۍ  پیښه کې  د وژل شوو کسانو نه  ۳ تنه يي ترکان دي. د پیښې د قربانیانو پاتې برخه المانیان  دي.

د بله پلوه  د مونیخ  پولیسو ویلي دي چې  برید کوونکي  په یواځې ځان  برید کړی  . پولیسو ویلي دي چې د برید کوونکي په کور او کوټه کې د ترسره شوو پلټنو نه دا معلومه شوې ده چې  د داعش سره تړاو نلري. همداشان برید کوونکي  د پولیسو سره جرمي سابقه هم  نه درلوده  خو  د روحي  درملنې لاندې وو. برید کوونکی روحي  ناروغ وو.

برید د یو تن ۱۸ کلنه ایران الاصله الماني لخوا شوی دی . برید په جرمني کې د امنیت په اړه جدي اندیښنې پارولي دي. د ویلو ده چې  د یوې اوونۍ په دننه کې دا دویم ځل دی چې په جرمني کې  وسله وال بریدونه رامنځته کیږي . درې ورځې وړانډې یو تن ۱۷ کلن  افغان چې وروسته جرمني پولیسو وویل  چې برید کوونکی د پاکستان وګړی دی  په ریل ګاډي کې په مساپرو د چړې  او تبرګي  برید وکړ چې په پایله کې ۴ تنه سخت ټپیان شول.