په واشنګټن کې د کانګرس ودانۍ د احتمالي برید له امله د څو ساعتونو لپاره وتړل شوه
په امریکا کې د یوې اوونۍ په دننه کې د دویم ځل لپاره د کانګرس ودانۍ د احتمالي بریدونو له امله وتړل شوه
د امریکا متحده ایالتونو د کانګرس ودانۍ د یوې اوونۍ په دننه کې د دویم ځل لپاره د امنیتي ګواښونو له امله وتړل شوه.
په واشنګټن کې د کانګرس د ودانۍ ترڅنګ د یو تن وسله وال کس د لیدل کیدو نه وروسته د کانګرس ودانۍ ټولې دخولي او خروجي دروازې وتړل شوې او کلک امنیتي تدابیر ونیول شول.
په واشنګټن کې پولیسو د کانګرس د ودانۍ ترڅنګ د یو تن وسله وال کس د لیدل کیدو اړوند د راپور د ترلاسه کولو نه وروسته په کانګرس کې ویره حاکمه شوه. پولیس او د کورنیو استخباراتو کارکوونکو د نوموړي وسله وال کس د نیولو په خاطر په ګډه عملیات ترسره کړل. وسله وال کس ونیول شو او د کانګرس ودانۍ دروازې د څو ساعتونو نه وروسته بیرته پرانیستل شوې.
د یادولو وړ ده چې د تیرې جمعې په ورځ هم د کانګرس د ودانۍ ترڅنګ د یو تن وسله وال کس د لیدل کیدو نه وروسته په کانګرس کې فوق العاده امنیتي حالت اعلان شوی وو. د جمعې په ورځ هم ټولې دخولي او خروجي دروازې او شاوخوا سړکان تړل شوي وو.
د ویلو ده چې د کانګرس لخوا د نیول شوي وسله وال کس د هویت په اړه څه ندي ویل شوي .
د ویلو ده چې د تیرې پنجشنبې په ورځ د امریکا د دالاس په ښار کې په پولیسو وسله وال برید وشو چې له امله يي ۵ تنه پولیس مړه او ۷ تنه نور ټپیان شول.
د برید مسولیت د تورپوستانو یوې ډلې په غاړه اخیستی وو او دیته د ورته نورو بریدونو د ترسره کولو ګواښ يي کړی وو. همداشان تیره ورځ هم د امریکا د میشیګان په ایالت کې په یوې محکمه کې په پولیسو وسله وال برید وشو چې له امله يي ۲ تنو پولیسو ژوند د لاسه ورکړ او یو تن بل ټپي شو.
په امریکا کې تیره اوونۍ د پولیسو لخوا پرله پسې د دوو تنو تورپوستو د وژلو نه وروسته په هیواد کې د تورپوستو سخت غبرګون وپارو. ددې پیښې نه وروسته په یو زیات شمیر ښارونو کې مظاهرې پیل شوې .
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.