په امریکا کې دوه جنګي الوتکې په هوا کې سره وجنګیدې

د امریکا  متحده ایالتونو د جورجیا په ایالت کې  دوه  اف ۱۶ جنګي الوتکې په هوا کې سره وجنګیدې.

د امریکا  د سویلي کارولینا   د ملي هوايي ځواکونو لخوا په شوو څرګندونو کې ویل شوي دي چې  ۲ اف ۱۶ جنګي الوتکې چې  د تل په څیر  په شپه کې  د نورمالو الوتنو  پر مهال  په هوا کې سره  جنګیدلي دي. د الوتکو پیلوټانو  ځانونه  په پراشوټ کې  ګوزار کړي دي.

پیښه  د جورجیا  ایالت په ختیځ کې  رامنځته شوې ده . په څرګندونو کې  راغلي دي چې  د الوتکو پیلوټان  چې  د کافي تجربې خاوند  دي  د پیښې پر مهال يي ځانونه  په پراشوټ کې ګوزار کړي دي. د پیلوټانو روغتیايي حالت په کامله توګه ښه  دی.

د یادولو وړ ده چې  تیره اوونۍ هم  د امریکا د هوايي ځواکونو اړوند  دوه  جنګي الوتکو  سقوط کړی وو. تیره اوونۍ  د امریکا د هوايي ځواکونو اړوند یوې اف ۱۶ او یوې اف ۱۸ ډوله  اکروباتیک الوتکو  د تعلیمي  الوتنو پر مهال  سقوط کړی وو.

په تیرو پیښو کې هم پیلوټانو ځانونه  په پراشوټ کې ګوزار کړي وو.