جرمني په ۱۹۰۴ کلونو کې په نامیبیا کې نسل وژنه کړې ده

جرمني  د ۱۸۸۴ او ۱۹۱۵ کلونو ترمنځه  په افریقايي هیواد نامیبیا  چې ددوی  مستعمره  وه  نسل وژنه کړې ده .

د نامیبیا  د هیواد د هیریرو  د سیمې خلک چې  د جرمني د استثمار  پر خلاف  اواز اوچت کړی وو  او دا استثمار يي رد کړی وو  د جرمني ځواکونو د مشر جنرال لودر ون ترودا  په امر  د هیریرو سربیره  د ناما  د کلي خلک هم  د یو لبه  په قتل  رسولي وو.

دا پیښه د ۱۹۰۴ او ۱۹۰۸ کلونو ترمنځه رامنځته شوې ده . ددې سربیره  د یادو شوو سیمو  په زرګونو تنه  دښتو ته  وشړل  شول  او په ټولیزه  کمپونو کې  واچول شول.

المان ځواکونو  د هیریره  د سیمې  ۸۰ سلنه  او د ناما  د سیمې  ۵۰ سلنه  خلک  په قتل ورسول.

پدې پیښو کې  د هیریره  د سیمې  ۸۰ زره  او د ناما  د سیمې  ۱۰ زره تنه  بې ګناه او مظلوم  انسانان  د الماني ځواکونو لخوا په ډیرې بې رحمۍ  سره  په قتل ورسول شو.

همداشان  په ۱۹۴۸ کال کې  ملګروملتونو سازمان  دا پیښه  د عام وژنې په توګه  اعلان کړه.

ددې پیښې نه  سل کاله وروسته  د جرمني  حکومت  دا قتل عام  د نسل وژنې  په توګه  ومنه  خو  تر ننه پورې  د نوموړي نسل وژنې په اړه  بښنه نده غوښتې.

همداشان  د نامیبیا  هیواد  د نوموړي قتل عام له امله د جرمني نه د غرامت  غوښتنه کوي. پدې اړه  خبرې روانې دي خو جرمني  نه  تر اوسه پورې  بښنه غوښتې او نه يي هم  غرامت ورکړی دی.

د نامیبیا حکومت ویلي دي چې  د نوموړې پیښې قربانیان  د جرمني نه  د بښنې او غرامت  پر ځای  د پراختیايي مرستې انتظار لري خو جرمني تر اوسه پورې  هیڅډول ګام  ندی پورته کړی .

ترکیه  د هغه هیوادونو  په سر کې قرار لري  چې  نامیبیا ته  بشري  مرستې  استوي.