امریکا د داعش پر خلاف لومړني مځکني عملیات ترسره کړل
امریکا متحده ایالتونو د لومړي ځل لپاره په عراق کې د داعش د ترهګریزې ډلې پر خلاف مځکني عملیات ترسره کړل.
![امریکا د داعش پر خلاف لومړني مځکني عملیات ترسره کړل](http://cdn.trt.net.tr/images/xlarge/rectangle/10-11/Files/UploadedImages/93448322995241295639soldierwallpaper5231.jpg?time=1719008706)
د امریکا د دفاع وزیر ویلي دي چې د اړتیا په صورت کې به مځکنیو عملیاتو ته دوام وکړو.
د امریکا ولسمشر باراک اوباما په عراق او سوریه کې د داعش د ډلې پر خلاف نوې ستراتیژي جوړه کړه . ددې سره سم د امریکا د دفاع وزیر د داعش پر خلاف د عملیاتو د کچې د لوړولو نه خبر ورکړ.
د امریکا ولسمشر باراک اوباما د اکتوبر په ۲۳ مه د جمعې په ورځ برت مک ګور د داعش پر خلاف د مبارزې د نوي مشر په توګه وټاکه. ویل کیږي مک ګور چې د منځني ختیځ د سیمې د نامتو څيړونو او کارپوهانو نه دی هر څه ژر به د جان الن پر ځای په دنده پیل وکړ.
اوباما د مک ګور نه د عراق په مسله کې د خپلو مهمو سلاکارانو نه د یو په توګه یادونه کړې ده او هغه د تیر یو کال راهیسې د داعش پر خلاف د مبارزې په برخه کې جان الن ته هم مشورې ورکولې. اوباما ویلي دي چې د مک ګور مقرري به د داعش پر وړاندې په مبارزه کې یوه نوې پاڼه پرانیزي.
سیاسي شنونکي وايي دا لا معلومه نده چې د مک ګور د ټاکنې سره به د داعش پر وړاندې د امریکا په ستراتیژۍ او سیاستونو کې تغیرات راشي او که نه.
د یادولو وړ ده چې د امریکا متحده ایالتونو ځانګړو ځواکونو تیره اوونۍ د عراق په شمال کې د داعش د ډلې پر خلاف ځانګړي عملیات ترسره کړل چې په پایله کې ۷۰ تنه زنداني کوردان د داعش د منګولو نه وژغورل.
امریکا په عراق او سوریه کې د داعش پر خلاف د نړۍوال ایتلاف د جوړولو نه وروسته دا لومړی ځل دی چې پلي عملیات ترسره کوي. پدې عملیاتو کې د امریکا د ځانګړو ځواکونو یو تن سرتیري ژوند د لاسه ورکړ. امریکا د داعش پر خلاف په مبارزه کې د لومړي ځل لپاره خپل یو تن سرتیری د لاسه ورکړ.
اړوند خبرونه
![د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي](http://cdn.trt.net.tr/images/medium/rectangle/b6c4/67e4/c1e5/66615bc834834.jpg?time=1719008706)
د امریکا ولسمشر بایدن د کډوالو په اړه خپل نوی پروګرام اعلان کړ. ۵۰۰ زرو تنو ته د امریکا تابعیت ورکوي
د روسیې ولسمشر ولادیمیر پوتین له ۲۴ کلونو وروسته په رسمي سفر شمالي کوریا ته ولاړ.
د شمالي کوریا مشر کیم جونګ اون په هوايي ډګر کې د پوتین هرکلی وکړ.