تریخ تصادف غل لومړی حیران او وروسته وژړو.

غل لومړی ډیر حیران شو او وروسته يي په چیغو چیغو وژړل.
د امریکا د فلوریدا ایالت د میامي په ښار کې پولیسو یو تن د غلا په تور د نیولو نه وروسته محکمې ته راوست. د محکمې ښځینه قاضۍ چې د غل دوسیه ولیدله هغه يي وپیژند چې د هغه د ښوونځي د دورې همټولګی دی.
قاضۍ غل ته د خپل ښوونځي نوم واخیست او ترینه وپوښتل چې دې ښوونځي کې زده کړې کړي دي او که نه؟ غل په ځواب کې هو وویل . قاضۍ وویل چې دا زما د ښوونځي همټولګی دی.
قاضۍ د غل په اړه وویل چې په منځني ښوونځي کې د ښو او با آدبه زده کوونکو نه یو وو. قاضۍ وویل چې ما له ده سره ډیر زیات فوټبال کړی دی.
قاضۍ وویل چې ډیره خواشیني ده او تل به يي د ځان سره دا فکر کولو چې دا به چیرې وي. قاضۍ وویل ددې په هیله چې د خپلو خطاګانو نه درس واخلۍ او د هیواد د قوانینو سره سم یو ژوند غوره کړې.
غل د ډیر شرم او خجالت ویستو له امله د سترګو نه اوښکې جاري شوې.