په لیبیا کې ۳ ځانمرګیو بریدونو په لسګونو تنه ووژل

د لیبیا د بن غازي په ښار کې په ۳ جلا جلا ځانمرګیو بریدونو کې لږ تر لږه ۲۰ تنه مړه او په لسګونو تنه نور ټپیان شول.
د لیبیا لوی درستیزوالۍ ویاند احمد المیسماري خبري رسنیو ته ویلي دي چې لومړنی برید د ولسي جرګې د ریس عقیله صالح په کور شوی دی .
ویاند ددې په اړه چې د ولسي جرګې ریس د برید پر مهال په کور کې وو او که نه د معلوماتو ورکولو نه ډډه وکړه او وویل چې دویمه چاودنه د القوبه د امنیت په امریت او دریمه د تیلو په یو پم کې وشوه .
نوموړي وویل چې په بریدونو کې لږ تر لږه ۲۰ تنه مړه او په لسګونو تنه نور ټپیان شوي دي چې د مړو د شمیرې د لوړیدو ویره شتون لري.
په لیبیا کې د ۲۰۱۱ کال د فبروري په ۱۷ نیټه د قذافي د رژیم د رنګیدو سره سم سیاسي ثبات له منځه تللی دی . د نوموړي هیواد په هره سیمه کې جلا جلا واکمني شتون لري.
په لیبیا کې دوه ولسي جرګې فعالیت کوي چې یو يی به ترابلس او بل يي په توبروک دی.