كامرون: تركيه د داعش د ګواښونو له امله انديښمنه ده
د انګلستان لومړي وزير كامرون د ناټو د سرمشريزې اړوند د هيواد ولسي جرګې ته معلومات وركړل.
د انګلستان لومړي وزير ديويد كامرون د ناټو د سرمشريزٰې اړوند وويل چې تركيه د داعش د ترهګريرې ډلې له امله ډيره انديښمنه ده . د همدې امله د تركيې سره په عسكري ، استخباراتو او امنيتي برخو كې هر ډول همكارۍ ته تيار دي.
د انګلستان لومړي وزير كامرون د ناټو د سرمشريزې اړوند د هيواد ولسي جرګې ته معلومات وركړل.
كامرون وويل چې د داعش ترهګرې ډلې پر وړاندې د مبارزې په مسله كې د تركيې د پولو نه د تيريدو اړوند مو د ولسمشر رجب طيب اردوغان سره هر اړخيزې خبرې وكړې.
كامرون وويل چې تركيې د خپلو پولو د امنيت په خاطر ډير مهم ګامونه پورته كړي او زموږ سره هم هر ډول همكارۍ ته تيار دي. تركيه په عسكري ، استخباراتي او امنيتي مسلو كې د همكارۍ غوښتنه كوي.
كامرون وويل چې د داعش پر وړاندې د مبارزې په خاطر به د كوردانو سره مرستو ته دوام وركړي. د مرستو په چوكاټ كې به د كوردانو سره هم د وسلو مرسته وكړو او هم به يي د سرتيرو د روزلو په برخه كې ورسره مرسته وكړو.
كامرون ددې خبرې په ټينګار وويل چې د داعش سره مبارزه بايد پخپله د عراق د حكومت لخوا اداره شي. كامرون وويل چې د سيمې هيوادونه به هم د داعش پر خلاف مبارزې ته وهڅوي.
كامرون په ولسي جرګه كې ددې پوښتنې په ځواب كې چې د تركيې په ګډون د ناټو غړي هيوادونه د داعش د ګواښونو په اړه څه ډول فكر كوي وويل! تركيه د داعش د ګواښونو له امله ډيره انديښمنه ده ځكه چې داعش د تركيې پولو ته رسيدلى دى.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.