د حزب الله لخوا پر اسرائیلو پرله پسې بریدونه شوي دي.

د حزب الله لخوا پر اسرائیلو پرله پسې بریدونه شوي دي.

حزب الله  ډلې د اسرائیلو اړوند د یوې پرمختللې  هرمیس 900  ډوله بې پيلوټه الوتکې د ویشتلو په اسرائیلو کې پر یوې پوځي هډې  د ځانمرګو بې پیلوټه الوتکو سره د برید کولو نه خبر ورکړی دی.

ویل کیږي د  حزب الله ډله  توانیدلی چې د لبنان په هوايي حریم کې  د اسرائیلو د هرمیس 900 ډوله بې پیلوټه الوتکه په نښه کړي. حزب الله  ویلي دي چې د اسرائیلو دا بې پیلوته الوتکه يي د لبنان په جنوب کې د ریحان په سیمه کې ویشتلې او غورځولې ده . حزب الله ویلي دي "زموږ مجاهدین لکه ښکاریان چې مرغان ښکاروي داسې د اسرائیلو بې پیلوته الوتکې ښکاروي." د اسرائیلو پوځ د خپلې بې پيلوټه الوتکې د ویشتل کیدو خبر تایید کړی دی.

د اسرائیلو پوځ او اسرائیلي رسنیو تایید کړه چې غورځیدلې الوتکه د هرمیس 900 ډوله بې پیلوټه الوتکه وه. حزب الله تیره اونۍ هم د اسرائیلو اړوند  یوه بله هرمیس 900 دوله الوتکه د بورکان توغندی په وسیله ویشتلی وو. حزب الله نن په شمال کې د اسرائیلو پر پوځي اډو د ځانمرګو بې پیلوټه الوتکو بریدونه وکړل. ویل شوي، چې د برید په پایله کې د اسرائیلي پوځیانو په ګډون څو تنه مړه او ټپیان شوي دي. حزب الله د ویشتل شوې اسرائیلي الوتکې فلم هم خپور کړی دی.

د ویلو ده چې د اکټوبر له اتمې نیټې راهیسې د اسرائیلي پوځ او حزب الله غورځنګ تر منځ په نښتو کې ۳۳۳ د حزب الله غړي، ۶۵ لبنانیان، ۱۹ امل غورځنګ، ۱۳ حماس، ۱۵ د اسلامي جهاد غړي، ۱۴ اسرائیلي پوځیان او ۱۰ اسرائیلي ولسي وګړي وژل شوي دي.