پر حوثي یاغیانو خپل بالستیک توغندی وچاودید

په یمن کې په حوثي یاغیانو  د خپل بالستیک توغندي د چاودنې په پایله کې  ګن شمیر ایرانیان  وژل شوي دي.

پر حوثي یاغیانو خپل بالستیک توغندی وچاودید

 

د ترلاسه شوو معلوماتو له مخې  دا پیښه  د جنوري په ۲۸ مه نيټه  رامنځته شوې ده.

ویل کیږي  حوثي یاغیانو چې غوښتل  پر سعودي عربستان د بالستیک توغندي برید وکړي  توغندی  د توغولو پر مهال  وچاودید  چې په نتیجه کې  ایراني انجینیران  او ګن شمیر حوثي سرتیري  یاغیان  ووژل شول.

د یمن راډیو  د خبر له مخې پر حوثي یاغیانو  پر سعودي عربستان د بالستیک توغندیو بریدونو ته  د تیاریو  پر مهال  خپل توغندی  چاودلی دی چې  په نتیجه کې ګن شمیر ځاني تلفات رامنځته کړي دي.

د ویلو ده چې دا لومړی ځل ندی چې په حوثي یاغیانو خپل توغندی  چاوي. د سکای نیوز عربي چاینل  د خبر له مخې  تیر کال  د جولای په میاشت کې هم  په حوثي یاغیانو ورته  پيښه  رامنځته شوې وه. خپل بالستیک توغندې پرې چاودلی وو.

د بله پلوه  بریکینګ ډینفس  کې په خپور شوي خبر کې ویل شوي دي چې کیدای شي چې  دا توغندی  د اسراییلو لخوا  د توغول کیدو نه مخکې چاول شوی وي.

په خبر کې راغلي دي چې دا توغندی  هله وچاودید چې د حوثي یاغیانو  یو جګپوړي چارواکي  په بحر الاحمر کې هغه کښتۍ چې  د اسراییلو سویلي بندر ته  د حرکت په حال کې وې په برید وګواښلې  وې. د نوموړي  د ګواښ نه څو ساعته وروسته  دا پيښه رامنځته شوه.

حوثي یاغیانو  تیره ورځ  پر سعودي عربستان د بالستیک توغندی او ډرون الوتکو د برید کولو ادعا وکړه.

سعودي عربستان بیا  د حوثي یاغیانو  د ادعاګانو په اړه  څه ندي ویلي.



اړوند خبرونه