د سعودي په مشرۍ ائتلاف ۲۰۰ تنو حوثي زندانیان خوشې کړل

په یمن کې د سعودي عربستان په مشرۍ ائتلاف  د ۲۰۰ تنو  حوثي زندانیانو د خوشې کولو نه خبر ورکړ.

د سعودي په مشرۍ ائتلاف ۲۰۰ تنو حوثي زندانیان خوشې کړل

 

د سعودي عربستان د رسمي خبري اژانس د خبر له مخې  ، د عرب ائتلاف  ویاند  ترکي المالکي ویلي دي چې د اسیرانو د بدلون په مسئله کې  یو ډیر مثبت ګام پورته کړی  او د یمن د روانې ستونزې د حل په خاطر د ستوکخلم  د تړون نه هم  ملاتړ ته دوام  ورکوي.

هغه ویلي دي چې پدې چوکاټ کې  ۲۰۰ تنه حوثي زندانیان  خوشې شوي دي.

همداشان  د روغتیا د نړۍوال سازمان سره د همکارۍ په چوکاټ کې به  د پلازمینې صنعا نه  به  بهر ته  الوتنې هم  پیل شي. پدې الوتنو کې به ناروغان  بهر ته د تداوۍ په موخه انتقال ته زمینه برابره شي.

همداشان  د حوثي یاغیانو یو تن جګپوړي چارواکي  محمد علي الحوثي  د خپل ټویټر پاڼې له لارې په خپور کړي پيغام کې  د ۲۰۰ تنو  حوثي زندانیانو د خوشې کولو نه د یو نیک اقدام  په توګه یادونه کړې ده .



اړوند خبرونه