په لبنان کې د سعد حریري په مشرۍ حکومت استعفا وکړه

حریري خپله استعفا  ولسمشر میشل اون  ته  وړاندې کړې.

سعد حریري په پلازمیه بیروت کې  خبري غونډې ته د خپلې استعفا کولو په اړه معلومات ورکړل. وروسته يي خپل استعفا لیک  ولسمشر میشل اون ته  وړندې کړ.

سعد حریري  ویلي دي چې  په لبنان کې د اکتوبر د ۱۷ مې نیټې نه راپدیخوا د روانو مظاهرو  له امله يي له خپلې دندې استعفا ورکړه . هغه  خپل استعفا ولسمشر ته د وړاندې کولو نه وروسته  د خبریالانو پوښتنو ته د ځواب ورکولو نه پرته  د ولسمشرۍ ماڼۍ نه بهر شو.

د لبنان د ولسمشرۍ ماڼۍ وروسته د حریري  استعفا  لیک  خپور کړ.

حریري  په خپل استعفا لیک کې ددې خبرې په ټینګار ویلي دي چې  په هیواد کې روانو حالاتو  ، ستونزو  او مظاهرو  په نظر کې نیولو سره  دا ګام  اوچت کړی دی. هغه ویلي پدې خبره مې قناعت وکړ چې  لبنان کې باید یو داسې حکومت  رامنځته شي چې  د روانو ستونزو او مشکلاتو په مقابل کې  د لا قوي ارادې  خاوند وي  او لبنان د خلکو د منافعو نه  په لا ښه توګه دفاع وکولای شي. د خپل حکومت  استعفا وړاندې کوم  او ستاسې د لا زیات بریا په هیله.

د ویلو ده چې  په لبنان کې  د اکتوبر په ۱۷ مه نيټه په هیواد کې د اقتصادي حالاتو او مالیو پر خلاف  ډیرې سترې مظاهرې پیل شوي دي.

مظاهره کوونکي  د تکنوکراتانو نه  جوړ د یو کوچني  حکومت  غوښتنه کوي.

لومړي وزیر سعد حریري  د اکتوبر په ۲۱ مه نيټه  د اقتصادي مشکلاتو د کمولو په خاطر  ځینې تصامیم  اعلان کړل  خو دې ګامونو د روانو مظاهرو مخه ونه نیوله .

د بله پلوه  په لبنان کې د حریري په مشرۍ د حکومت د استعفا کولو نه وروسته د نوي حکومت جوړولو په اړه هلې ځلې دوام لري. امریکا متحده ایالتونو په لبنان کې هر څه ژر د نوي حکومت د رامنځته کولو غوښتنه کړې ده .