د سعودي عربستان د بندر ترڅنګ په ایراني ټانکر کښتۍ کې چاودنه شوې

د سعودي عربستان د جدې د بندر  ته  نږدې  په بحرالاحمر کې  د ایران  اړوند  د تیلو ټانکر کښتۍ کې  چاودنې وشوې.

د رویټرز خبري اژانس د خبر له مخې  چاودنې  د ایران اړوند  د سینوپا  په نامه د تیلو په ټانکر کښتۍ کې  شوي دي.

د چاودنې نه وروسته  په ټانکر کښتۍ کې اورلګیدنه رامنځته شوې ده.

ایراني مقاماتو ویلي دي چې  د کښتۍ  پرسونل ته هیڅډول  ځاني زیان  ندی اوښتی. کیدای شي چې دا یو ترهګریز برید وي. د پيښې په اړه تحقیقات پيل شوي دي.

د ایران د نفتو دولتي  شرکت  ویلي دي چې  د تیلو په ټانکر کښتۍ کې یوه نه  بلکې دوه چاودنې رامنځته شوي دي.

کیدای  شي چې دا چاودنې د راکټي بریدونو په پایله کې رامنځته شوي وي.د ایران د دولتي شرکت د معلوماتو له مخې پدې برید کې  د کښتۍ  د تیلو دوو ذخیرو ته ستر زیان  اوښتی . د کښتۍ  تیل  سیند ته  تویې شوي دي. په پيښه کې د کښتۍ پرسونل ته  هیڅډول  ځاني زیان  ندی اوښتی.