د سورېې  ولسمشر بشار اسد سخت ناروغه دی.

د سورېې  ولسمشر بشار اسد  سخت  ناروغه  دی. دا ادعا د لبنان  د ورځپاڼو نه وروسته  دا ځل  د الجزیزې  نامتو  خبریال  فیصل القاسم  وکړه.

نوموړي  ویلي دي چې  د سوریې ولسمشر بشار اسد  ډیر سخت ناروغه  دی او کیدای شي چې په کوما کې وي.

د لبنان د المستقل ورځپاڼې  د تیرې خالي په ورځ  د اسد رژیم ته د نږدې سرچینو له قوله په خپور کړي خبر کې  بشار اسد د مغزي ناروغۍ له امله  د بستر کیدو ادعا کړې وه.

ددېنه وروسته د اسد د رژیم  پلوي  د لبنان د الدیار  ورځپاڼې  د بشار اسد د فلجیدو ادعا کړې وه.

د سعودي عربستان د شرق الاوسط  ورځپاڼې  هم  د بشار اسد د سختې ناروغۍ په اړه خبر خپور کړی وو.

په سوریه کې د اسد رژیم  بیا  دا ټولې ادعاګانې بې بڼسټه وبللې  او وویل چې د ولسمشر بشار اسد روغتیايي حالت په کامله توګه ښه دی.

د اسد د رژیم  د څرګندونو نه وروسته  دا ځل  د الجزیزې  نامتو خبریال  فیصل القاسم د اسد د ناروغه کیدو ادعا وکړه.

هغه  د ټویټر له لارې په خپور کړي پیغام کې  ویلي دي «  داسې معلومات مې ترلاسه کړي دي چې  بشار اسد ډیر سخت ناروغه  دی او کیدای شي چې په کوما کې وي. اسد په روغتون کې بستر دی. » د ویلو ده چې  د الجزیزې  دا نامتو خبریال په ټویټر کې  ۴نیم میلیونه تنه  تعقیب کوونکي  لري.