د سعودي عربستان د عسیر په ښار کې راکټي بریدونه وشول.

 د سعودي عربستان د عسیر په ښار کې راکټي بریدونه وشول.

حوثي یاغیانو د یمن  د خاورې نه د سعودي عربستان د عسیر په ښار راکټي بریدونه وکړل چې په پایله کې  ۱۴ تنه ملکي وګړي ټپیان شوي دي.

د سعودي عربستان د عسیر ښار  یو تن چارواکي  محمد عبدالرحیم العاصي  خبري رسنیو ته ویلي دي چې  حوثي  یاغیانو  د یمن  نه  د عسیر ولایت  د ظهران په سیمه راکټي بریدونه کړي چې په پایله کې ۱۴ تنه ملکي وګړي ټپیان شوي دي.

هغه ویلي دي چې راکټونه په دریو کورونو لګیدلي دي .

د ویلو ده چې  حوثي یاغیانو پدې وروستیو کې  د یمن سره په پوله کې په پرتو د سعودي عربستان په ښارونو راکټي بریدونو ته  زور ورکړی دی.

حوثي یاغیانو  د تیرې یکشنبې  او دوشنبو  په ورځ هم  په سعودي عربستان راکټي بریدونه کړي وو.