د قطر پخوانی امیر ومړ

د قطر پخوانی  امیر  خلیفه بن احمد الثاني  د ۸۴ کلونو په عمر  ومړ.

په قطر کې  د پخواني  امیر  د مړینې له امله  درې ورځې ملي ماتم  اعلان شو.

د قطر د رسمي خبري اژانس  د خبر له مخې  د قطر  د امیر شیخ تمیم نیکه  پخوانی امیر خلیفه بن احمد الثاني  د ۸۴ په عمر  ددې نړۍ نه سترګې پټې کړې.

په خبر کې راغلي دي چې د قطر د امیر عالي  دیوان  د پخواني امیر  د مړینې له امله په هیواد کې  ۳ ورځې ملي ماتم اعلان کړ.

خلیفه بن احمد الثاني  څوک  دی؟

خلیفه  بن احمد الثاني  په ۱۹۳۲ کال کې زیږیدلی دی. خلیفه بن احمد الثاني  په ۱۹۶۰ کال کې د ولیهد شهزاده په توګه  اعلان شو. خلیفه  بن احمد الثاني  د قطر د خپلواکۍ نه  پنځه کاله وروسته  د ۱۹۷۲ کال د فبروري په میاشت کې د امیر په توګه وټاکل شو.

د ویلو ده چې د خلیفه بن احمد الثاني د مشرۍ په دوره کې په قطر کې  د پام وړ اصلاحات  رامنځته شول. همداشان  په ۱۹۹۱ کال کې د هغه د مشرۍ پر مهال  د هیواد په شمال کې  د نړۍ په کچه  تر ټول  لوی  د طبعي ګازو  زیرمه کشف  او راویستل شوه.

هغه  د قطر  د پرمختګ  او ودې په برخه کې  نه سټري کیدونکی  هلې ځلې کړي دي.

خلیفه  بن احمد الثاني  په ۱۹۹۵ کال کې  د هغه د زوی  حمد بن حلیفه الثاني  لخوا د ترسره شوې  سپینې کودتا  په پایله کې  له واکه  ګوښه  کړې شو. نوموړی  د یو رسمي سفر په ترڅ کې سویس ته تللی وو چې له واکه لرې کړی شو.

هغه  د ۲۰۰۴ کاله پورې د هیواد نه بهر ژوند وکړ او په ۲۰۰۴ کال کې د خپل زوی سره  د پخلاینې نه وروسته هیواد ته راستون شو.